Com base nas teorias sistémicas, Xoán González-Millán, Antón Figueroa ou o grupo Galabra da Universidade de Santiago de Compostela desenvolvérom programas inovadores para o estudo de literaturas que podem ser consideradas dependentes, fracas ou marginais, como a galega. No entanto, nunca fôrom postulados de forma explícita programas de renovaçom para umha disciplina cuja crise teórica tivo início na década de 1970. O repasso da configuraçom disciplinar da História literária e dos seus debates atuais, a crítica do modelo nacional e a procura de me- todologias específicas para o caso galego, bem como a centralidade outorgada à noçom de conflito e a consideraçom dumha História da literatura na Galiza constituem os alicerces do programa teórico e metodológico presente neste livro, que aspira a oferecer respostas concretas mas tamém a abrir debates sobre a questom.