Nele estám alicerçados conhecidos trabalhos, publicados em revistas especializadas de universidades de Nova Iorque e Wisconsin, hoje considerados de referência polos rosalianistas, que contribuírom para a canonizaçom e internacionalizaçom da poetisa galega. Polo estreito relacionamento com os galeguistas e os exiliados galegos, e polo trabalho em favor do conhecimento da Literatura e da Cultura de Galiza no exterior, e em especial no ámbito lusófono, o nome de Machado da Rosa merece ombrear ao pé dos de Teófilo Braga, Teixeira de Pascoais, Francisco da Cunha Leão, Jacinto do Prado Coelho ou Manuel Rodrigues Lapa, entre outros portugueses que trabalhárom por unha maior e mais privilegiada aproximamaçom entre os povos do Norte e o Sul do Minho.